खाग तस्करलाई नियन्त्रणमा लिन सेनाले चलायो गोली

काठमाडौं, ११ पुस । मकवानपुरको हेटौंडा उपमहानगरपालिका–८ मा नेपाली सेनाले हवाइ फायर गरेको छ ।

गैंडाको खाग तस्करलाई नियन्त्रणमा लिने क्रममा बिहीबार बिहान हवाइ फायर गरेको नेपाल प्रहरी, मकवानपुरका प्रवक्ता ठाकुर प्रसाद सापकोटाले बताए ।

खाग तस्करलाई नियन्त्रणमा लिइएको बताइएको छ । उनका अनुसार, खाग नियन्त्रण गर्ने क्रममा तस्कर भाग्न खोजेपछि हवाइ फायर गरिएको हो  ।

नेपाली सेनाको नयाँ गोरख गण सैनिकले ५ राउन्ड हवाइ फायर गरेको हो । गैंडाको खाग तस्करी हुन लागेको सूचनाका आधारमा पुगेको निकुञ्जको टोलीले तस्करीमा संलग्न व्यक्तिहरू पक्राउ गर्ने क्रममा सेनाले हवाइ फायर गरेको प्रहरीले जनाएको छ ।