खुर्सानीको बोराभित्र लागूऔषध ओसार्ने एक जना पक्राउ
काठमाडौं, १६ पुस । पर्साको वीरगञ्ज महानगरपालिका–१६ भन्सार इलाकाबाट लागूऔषधसहित एक जनालाई प्रहरीले समातेको छ ।
विभिन्न किसिमका लागूऔषधसहित बहुदमाई गाउँपालिका–३ नगरदाहा बस्ने ३६ वर्षीय मिश्री रामलाई सशस्त्र प्रहरीको टोलीले नियन्त्रणमा लिएको हो ।
भारतबाट पैदल आउँदै गरेका उनले ल्याएको हरियो खुर्साको बोराभित्र लुकाएको डाइजेपाम ४९० एम्पुल, बुप्रेनोर्फिन ४९९ एम्पुल, नोफिन २९७ एम्पुल र प्रोमाथाजिन हाइड्रोक्लोराई इन्जेक्सन ४९७ एम्पुल बरामद गरिएको सशस्त्र प्रहरीले जनाएको छ ।
सशस्त्रका सहप्रवक्ता डिएसपी शैलेन्द्र थापाले नियन्त्रणमा लिएका उनलाई बरामद लागूऔषधसहित आवश्यक कारबाहीको लागि पठाइएको जानकारी दिए ।
