कांग्रेस सभापति देउवा र राप्रपा अध्यक्ष लिङ्देनबीच बूढानीलकण्ठमा भेटवार्ता
काठमाडौं, २३ पुस । प्रमुख सत्ता घटक नेपाली कांग्रेसका सभापति शेरबहादुर देउवा र राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनबीच भेटवार्ता भएको छ ।
सभापति देउवालाई भेट्न लिङ्देन उनकैनिवास बूढानीलकण्ठ पुगेका हुन् । राप्रपाका प्रचार विभाग प्रमुख एवं प्रवक्ता मोहन श्रेष्ठले आज (मंगलबार) दिउँसो दुई नेताबीच भेटवार्ता भएको जानकारी दिए ।
‘उहाँहरूबीच समसामयिक राजनीतिक परिस्थितिबारे कुराकानी भयो,’ श्रेष्ठले भने ।
