राष्ट्रपतिले गरे निर्माणाधीन संघीय संसद भवन अवलोकन

काठमाडौं, २९ पुस । राष्ट्रपति रामचन्द्र पौडेलले सिंहदरबार परिसरभित्र निर्माणाधीन संसद् भवनको अवलोकन गरेका छन् ।सोमबार दिउँसो  राष्ट्रपति पौडेलले निर्माणाधीन भवन अवलोकन गरेका हुन् । 

अवलोकनका क्रममा राष्ट्रपतिसँगै सभामुख देवराज घिमिरे, राष्ट्रिय सभाका अध्यक्ष नरायण दाहाल लगायत पनि निर्माणाधीन संसद् भवन अवलोकन गरेका छन् । 

तयस क्रममा सहरी विकास मन्त्रालयका सचिव गोपाल सिग्देलले भवन निर्माणमा भइरहेको प्रगतिबारे राष्ट्रपति पौडेललाई जानकारी  गराएका थिए ।

राष्ट्रपति पौडेलले भवनसम्बन्धी विभिन्न जिज्ञासा राख्दै सम्बद्ध पक्षलाई यथाशक्य चाँडो सक्न निर्देशन समेत दिए ।