अपडेट: काठमाडौंको काँडाघारीबाट बरामद रक्तचन्दन ४ क्विन्टलभन्दा बढी, दुई जना पक्राउ

काठमाडौं, २ माघ । प्रहरीले काठमाडौंको काँडाघारीबाट बरामद गरिएको रक्तचन्दन चार क्विन्टल भन्दा बढी रहेको जनाएको छ ।

प्रहरी स्रोतका अनुसार, आज बिहान उपत्यका अपराध अनुसन्धान कार्यालयको टोलीले बोरामा प्याक गरेर राखिएको अवस्थामा रक्तचन्दन बरामद गरेको हो । त्यसलाई जोख्दा ४ सय ६२ किलो भएको प्रहरी स्रोतले बतायो । 

रक्तचन्दनसहित दुई जनालाई पनि प्रहरीले नियन्त्रणमा लिएको जनाएको छ । यद्यपी, उनीहरुको नाम ठेगाना भने प्रहरीले सार्वजनिक गरिसकेको छैन ।