गण्डकी प्रदेशमा भोलि सार्वजनिक बिदा
काठमाडौं, २१ माघ । गण्डकी प्रदेशमा भोलि (मंगलबार) सार्वजनिक बिदा दिइएको छ ।
प्रदेश स्थापना दिवसका अवसरमा प्रदेशभित्रका सबै सरकारी कार्यालय, शैक्षिक संस्था र सार्वजनिक संस्थानमा सार्वजनिक बिदा दिइएको हो ।
सोमबार बसेको मन्त्रिपरिषद्को बैठकको निर्णयानुसार प्रदेशभर सार्वजनिक बिदा दिइएको मुख्यमन्त्री तथा मन्त्रिपरिषद् कार्यालयका उपसचिव सुरण प्रसाद शर्मा पौडेलले जानकारी दिएका छन् ।
