सके प्रधानमन्त्री नसके मन्त्रीलाई बोलाएर शान्ति सुरक्षाको कुरा सोधौं : सांसद शर्मा
काठमाडौं । नेकपा माओवादी केन्द्रका सांसद जगप्रसाद शर्माले सके प्रधानमन्त्री नसके मन्त्रीलाई बोलाएर छलफल गर्नुपर्ने प्रस्ताव राखेका छन् ।
बिहीबार सिंहदरबारमा राष्ट्रिय सभा अन्तर्गतको संघीयता सबलीकरण तथा राष्ट्रिय सरोकार समितिको बैठक बसेको थियो ।
जहाँ उनले भनेका छन्, ‘सके प्रधानमन्त्री नसके मन्त्रीलाई बोलाएर बैठक राखौं । सरकारको धारणा बुझौं ।’
सरकारसँग छलफल गर्नुपर्ने कारणमा उनी भन्छन्, ‘शान्ति सुरक्षाको कुरा छ । छलफल गनुपर्ने अनेक विषय छ ।’
