नेप्से परिसूचकमा झिनो वृद्धि, ३ अर्ब २२ करोडको कारोबार
काठमाडौँ । साताको कारोबारको चौथो दिन बुधबार नेपाल स्टक एक्सचेन्ज (नेप्से) परिसूचकमा सामान्य सुधार देखिएको छ । आज नेप्से परिसूचक १.३७ अंकले बढेर २५८५.८७ विन्दुमा पुगेर बन्द भएको छ ।
बजारमा झिनो सुधार देखिँदा कारोबार रकम भने घटेको छ । आज बजारमा कुल ३३४ वटा कम्पनीको ७२ लाख २४ हजार ९१७ कित्ता सेयर ३ अर्ब २२ करोड ४६ लाख रुपैयाँमा कारोबार भएको छ । अघिल्लो दिन ३ अर्ब ५० करोड बढीको कारोबार भएको थियो ।
आज कुल १११ वटा कम्पनीको सेयर मूल्य बढेको छ । १४२ वटा कम्पनीको मूल्य घट्दा ७ वटा कम्पनीको सेयर मूल्य भने स्थिर रहेको छ ।
समूहगत परिसूचकमध्ये आज बैंकिङसहित ६ समूहका सूचकमा वृद्धि हुँदा सात समूहका सूचक घटेका छन् । सबै समूहको उतारचढाव एक प्रतिशत भन्दा कम रहेको छ ।
आजको बजारमा इन्फिनिटी लघुवित्तका लगानीकर्ताले सबैभन्दा धेरै ५.३२ प्रतिशत कमाएका छन् । त्यस्तै, नेशनल हाइड्रोपावर ४.२६ प्रतिशत, हिमस्टार उर्जा ४.१९ प्रतिशत र सिद्धार्थ बैंक ३.९७ प्रतिशतले बढेका छन् । आज सबैभन्दा धेरै गिरावट ग्रामीण विकास लघुवित्तको ४.२३ अंकले भएको छ ।
कारोबार रकमका आधारमा आज एसवाई प्यानल शीर्ष स्थानमा रह्यो । उक्त कम्पनीको १४ करोड ४९ लाख ३५ हजार रुपैयाँ बराबरको सेयर किनबेच भएको छ । त्यसैगरी मन्जुश्री फाइनान्सको १२ करोड ७९ लाख हुँदा बाँकी सबै कम्पनीको कारोबार रकम १० करोडभन्दा कम छ ।
