सेन्ट्रल अफ्रिकन रिपब्लिकमा तैनाथ नेपाली शान्ति सैनिकको अदलीबदली
काठमाडौँ । संयुक्त राष्ट्र संघको आह्वानमा सेन्ट्रल अफ्रिकन रिपब्लिकमा सञ्चालन भइरहेको शान्ति मिसन अन्तर्गत तैनाथ नेपाली शान्ति सैनिकको अदलीबदली भएको छ।
सैनिक जनसम्पर्क तथा सूचना निर्देशनालयका अनुसार युद्धभैरव गण (शान्ति सेना) तेस्रो डफ्फालाई बदली गर्न गोरखनाथ गण (शान्ति सेना) चौथो डफ्फाका २२५ जना शान्ति सैनिकको अन्तिम पुस १० गते मिसन क्षेत्रमा प्रस्थान गरेको छ।
त्यसै दिन उक्त मिसनमा आफ्नो कार्यकाल पूरा गरेका २२४ जना नेपाली शान्ति सैनिक स्वदेश फर्किएका छन्। हाल उक्त मिसनमा नेपाली सेनाका कुल १ हजार १८८ जना शान्ति सैनिक कार्यरत रहेको निर्देशनालयले जनाएको छ ।
