धनगढीका मेयर हमालले भने – ‘सबैले पार्टी रोजे, मैले जनता रोजेँ’
काठमाडौँ । धनगढी उपमहानगरपालिकाका मेयर गोपाल हमालले सामाजिक सञ्जालमा आफू कुनै राजनीतिक पार्टीमा आबद्ध नभएको उल्लेख गर्दै लेखेका छन्, “सबैले पार्टी रोजे, मैले जनता रोजेँ।”
२०७९ सालको स्थानीय तहको चुनावमा स्वतन्त्र उम्मेदवारको रूपमा मेयर बनेका हमाल अहिलेसम्म कुनै दलसँग आबद्ध छैनन्। उनका अनुसार, उनको प्राथमिकता पार्टी होइन, जनता हुन्।
धरान र काठमाडौंका स्वतन्त्र मेयरहरू प्रतिनिधि सभाको चुनावमा होमिएका बेला, हमाल उपमहानगरपालिकाका विकास कार्यमा पूर्ण रूपमा व्यस्त छन्। उनले आफ्नो क्षेत्रमा सडक, शिक्षा, स्वास्थ्य र सरसफाइमा निरन्तर काम गर्दै आएका छन्।
स्थानीय चुनावमा नेपाली कांग्रेसका उम्मेदवार नृपबहादुर वडलाई पराजित गर्दै हमालले २६,८६५ मत प्राप्त गरेर विजयी भएका थिए। वडले १४,८१७ मत मात्र पाएका थिए भने एमालेका रणबहादुर चन्दले ९,११५ मत ल्याएका थिए।
उनको स्वतन्त्र र जनता(केंद्रित दृष्टिकोणले मतदातामाझ सकारात्मक प्रभाव पारेको देखिन्छ। सामाजिक सञ्जालमा पनि उनका समर्थकहरूले मेयर हमालको निर्णयलाई समर्थन गर्दै आएका छन्।
अन्य स्वतन्त्र मेयरहरू जस्तै धरानका हर्क साम्पाङ र काठमाडौंका बालेन शाह प्रतिनिधि सभाको चुनावमा होमिएको बेला, हमालले आफ्नो मेयर पदमा निरन्तरता दिंदै विकासमा ध्यान केन्द्रित गरिरहेका छन्।
विश्लेषकहरूका अनुसार, हमालको यो दृष्टिकोणले स्थानीय राजनीतिमा स्वतन्त्र उम्मेदवारहरूको भूमिका र जनकेंद्रित शासनको महत्वलाई उजागर गरेको छ। उनका समर्थकहरूले आगामी पाँच वर्षसम्म पनि उनका काममा नजर राख्ने बताएका छन्।
