ब्रिटिस काउन्सिल नेपालद्वारा उत्कृष्ट आइइएलटीएस साझेदारलाई सम्मान

काठमाडौं । ब्रिटिस काउन्सिल नेपालले ग्लोवल च्यानल पार्टनर क्याम्पेन २०२५ अन्तर्गत नेपालमा आइइएलटिएसका लागि महत्वपूर्ण योगदान गरेका साझेदारहरुलाई सम्मान गर्दै ५ फेब्रुअरी २०२६ मा उनीहरुको सहभागितामा उत्कृष्ट साझेदारको घोषणा समारोह सफलतापूर्वक आयोजना गरेको छ । 

नेपालमा आइइएलटिएस प्रवद्र्धन गर्न गरिएको साझेदारी र कार्यसम्पादनका लागि उत्कृष्ट योगदान गरेका साझेदार संस्थाहरुलाई सम्मान गर्न आयोजित समारोहमा अग्रणी शैक्षिक परामर्श संस्था (कन्सल्टेन्सी) र सम्वन्धित क्षेत्रका प्रतिनिधिहरु सहभागी भएका थिए ।

सो समारोहमा नेपाली युवा विद्यार्थी र व्यवसायिक व्यक्तिलाई अन्तर्राष्ट्रिय स्तरको शिक्षा र करिअर विकासको अवसर दिलाउन ब्रिटिस काउन्सिल नेपालले गरेका विभिन्न कार्यका उपलव्धिलाई उत्सवको रुपमा मनाइएको थियो । 

१ अगस्ट २०२५ देखि ३१ जनवरी २०२६ सम्म सञ्चालित अभियानका क्रममा योगदान गरेका उत्कृष्ट १० साझेदारलाई सम्मान गरिएको छ । ब्रिटिस काउन्सिलको आइइएलटिएस पार्टनर समिट २०२५ का अवसरमा ग्लोवल च्यानल पार्टनर क्याम्पेन २०२५ को औपचारिक घोषणा गरिएको थियो । राष्ट्रिय र अन्तर्राष्ट्रिय मान्यता दिने उद्देश्यसहित अभियानले नेपालस्थित हाम्रा साझेदारको उत्कृष्ट योगदानलाई कदर गर्ने लक्ष्य राखेको छ ।  

लन्डनमा गरिने विश्वव्यापी सम्मान

आगामी मार्च २३ देखि २७ सम्म लन्डनमा आयोजना हुन लागेको ग्लोवल च्यानल पार्टनर मिट–अप र अवार्ड समारोहमा विश्वभरका उत्कृष्ट साझेदारसहित नेपालबाट चयन भएका विजेतालाई सम्मान गरिनेछ। नेपालबाट अर्बिट मेडिकल इन्ट्रान्स प्रा.लि सुनिल रेग्मीको नेतृत्वमा कम्प्युटरमार्फत आइइएलटिएसमा बढी योगदान गर्ने तथा समग्रमा आइइएलटिएसमा बढी योगदान गर्ने संस्था का रुपमा सम्मानित हुने तय भएको छ।

त्यस्तै, केआइइसी लर्निङ सेन्टर प्रा.लि वार्षिक प्रगतिशील संस्था, द नेक्स्ट एडुकेसन कन्सल्टेन्सी प्रा.लि तीव्र विकासशील र उदयमान साझेदार, र नेपाल शैक्षिक परामर्श संघ (इक्यान) उत्कृष्ट कार्यसम्पादन गर्ने संघको रूपमा सम्मान पाउने छन्।

उत्कृष्ट कार्यसम्पादन गर्ने साझेदारको सम्मान

विश्वव्यापी अवार्ड विजेताबाहेक, ब्रिटिश काउन्सिल नेपालले ग्लोबल च्यानल पार्टनर क्याम्पेन २०२५ अन्तर्गत उत्कृष्ट कार्यसम्पादन गर्ने साझेदार संस्थाहरूलाई पनि सम्मान गरेको छ। यस अन्तर्गत एक्सपर्ट एडुकेसन एण्ड भिसा सर्भिस प्रा.लि, आरटीसी इङलिस, युनी कन्सल्टेन्ट एलायन्स प्रा.लि, बिर्तामोड एडुकेसन फाउन्डेसन प्रा.लि, ग्रेस इन्टरनेशनल ग्रुप प्रा.लि, एइसीसी ग्लोवल र सुमेधा एडुकेसन नेटवर्क प्रा.लि समावेश छन्। समारोहले नेपाली साझेदार संस्थाहरूको योगदान र नेपालमा आइइएलटिएसको पहुँच विस्तारमा उनीहरूको महत्वपूर्ण भूमिका उजागर गर्ने लक्ष्य राखेको छ।

समारोहमा बोल्दै ब्रिटिस काउन्सिल नेपालकी परीक्षासम्बन्धी राष्ट्रिय निर्देशक प्रतिष्ठा थापा रायमाझीले भन्नुभयो–“ब्रिटिस काउन्सिलको आइइएलटिएसप्रति इमान्दारिता, गुणस्तरियता र प्रतिवद्धतासहित निरन्तर रुपमा योगदान गरेका साझेदार संस्थाहरुलाई सम्मान गरिरहँदा ग्लोवल च्यानल पार्टनर क्याम्पेनले आइइएलटिएस सञ्चालनका लागि तय भएका उच्च मापदण्डलाई कायम राख्ने हाम्रो संस्थागत प्रतिवद्धतालाई प्रतिविम्वित गरेको छ । यस अभियानमा सम्मानित हाम्रा साझेदार संस्थाहरुले आइइएलटिएसको परीक्षामा विश्वव्यापी मापदण्ड कायम राख्न उत्कृष्ट कार्य गरेका छन् । उनीहरुको सम्मानबाट नेपालमा आइइएलटिएसका साझेदारहरुको सञ्जालका सबल पक्ष र उत्कृष्ट कार्य गर्ने हाम्रो संयुक्त प्रतिवद्धतालाई उजागर गरेको छ ।”

बिजनेश डेभल्पमेन्ट प्रमुख सुदर्शन सुवेदीले भन्नुभयो–“ हाम्रा साझेदार संस्थाहरुले आइइएलटिएसको पहुँच विस्तार र अन्र्तराष्ट्रिय शिक्षाप्रति नेपालको अभिलाषा र चाहनालाई सहयोग गर्न महत्वपूर्ण योगदान गरेका छन् । ग्लोवल च्यानल पार्टनर क्याम्पेन २०२५ मार्फत् हामीले कार्यसम्पादनलाई अन्र्तराष्ट्रिय पहुँचसँग जोडेका छौं । आज सम्मानित साझेदार संस्थाहरुले लन्डनमा आयोजना हुने ब्रिटिस काउन्सिलको ग्लोवल अवार्ड समारोहमा विश्वका अन्य उत्कृष्ट साझेदार संस्थासँगै सहभागिता जनाउनेछन् । 

साथै, त्यहाँ विश्वविद्यालय र आइइएलटिएससम्बन्धी ब्रिटिस काउन्सिलको टोलीसँग आपसी संवादसहित एक साता लामो कार्यक्रममा सहभागी हुने अवसर प्राप्त गर्नेछन् । यसबाट हाम्रा साझेदार संस्थाको क्षमता वृद्धि गर्न, विश्वका विभिन्न देशमा भएका असल अभ्यास आपसमा आदान–प्रदान गर्न र आगामी दिनमा नेपालमा आइइएलटिएस सञ्चालनलाई थप प्रभावकारी बनाउन सहयोग पुग्नेछ ।