रास्वपाको चुनावी अभियान आज सुर्खेतमा : रवि र बालेनले घण्टाघरमा सम्बोधन गर्ने
सुर्खेत । राष्ट्रिय स्वतन्त्र पार्टी (रास्वपा) ले आफ्नो चुनावी अभियानलाई देशव्यापी रूपमा तीव्र पारेको छ।
यसै क्रममा आज कर्णाली प्रदेशको राजधानी सुर्खेतस्थित घण्टाघर चोकमा रास्वपाले आमसभा आयोजना गर्दैछ। सभालाई रास्वपाका सभापति रवि लामिछाने र वरिष्ठ नेता बालेन शाहले सम्बोधन गर्ने कार्यक्रम रहेको छ।
हिजो मात्र सुदूरपश्चिमको धनगढीमा आयोजित विशाल आमसभा सम्पन्न गरी दुवै नेताहरू सुर्खेत आइपुगेका हुन्। सुर्खेतको घण्टाघरमा हुने आजको सभामा पनि ठुलो संख्यामा समर्थकहरूको उपस्थिति रहने अपेक्षा गरिएको छ।
सभापति लामिछाने र नेता शाहले देशका विभिन्न भागमा पुगेर जनतालाई ‘परिवर्तनका लागि घण्टी’ मा मतदान गर्न अपिल गरिरहेका छन्।
रास्वपाले यस पटकको निर्वाचनलाई ‘नयाँ र पुराना शक्तिबीचको निर्णायक लडाइ’ को रूपमा व्याख्या गर्दै आएको छ।
