सामाजिक सञ्जालमाथि प्रतिबन्ध लगाएको एमालले युवालाई मासिक १० जिबी इन्टरनेट डाटा निःशुल्क दिने घोषणा
काठमाडौं । नेकपा एमालेले युवा लक्षित फ्री इन्टरनेट कार्यक्रमको घोषणा गरेको छ । अध्यक्ष केपी शर्मा ओली नेतृत्वको अघिल्लो सरकारले फेसबुक, इन्ट्रादेखि अरु सामाजिक सञ्जालमाथि प्रतिबन्ध लगाएको थियो । यसैको विरुद्धमा उठेको जेन–जी आन्दोलनले ओली नेतृत्वको सरकार ढल्न पुगेको थियो ।
तर, यसलगत्तै चुनावमा होमिएको राजनीतिक परिस्थितिमा एमालेले ल्याएको घोषणापत्रमा उमेर समूह नै तोकेर मासिक १० जिबी इन्टरनेट डाटा निःशुल्क उपलब्ध गराउने घोषणा गरेको छ ।
एमालेले १८ देखि २८ वर्ष उमेर समूहका युवाहरूलाई एक वर्षसम्म हरेक महिना १० जिबी इन्टरनेट डाटा निःशुल्क उपलब्ध गराउने आफ्नो घोषणापत्रमा उल्लेख गरेको छ ।
