कांग्रेसको चुनावी सभा आज सुर्खेत र बाँकेमा हुँदै, सभापति थापाले सम्बोधन गर्ने
काठमाडौं । नेपाली कांग्रेसले आसन्न प्रतिनिधिसभा निर्वाचनलाई लक्षित गर्दै आज (बिहीबार) सुर्खेत र बाँकेमा चुनावी सभा आयोजना गर्दैछ ।
चुनावी सभा मध्याह्न १२ः३० बजेपछि वीरेन्द्रनगर नगरपालिका–स्थित घण्टाघर डबलीमा हुनेछ । उक्त सभालाई कांग्रेस सभापति गगनकुमार थापा र उपसभापति पुष्पा भुसालले सम्बोधन गर्ने कार्यक्रम रहेको छ ।
सुर्खेतको सभा सम्पन्न भएपछि कांग्रेसले आजै बाँके–३ अन्तर्गत पर्ने जानकी गाउँपालिका–३ मानपुरमा पनि चुनावी सभा गर्दैछ। मानपुरमा हुने सभा दिउँसो १ः३० बजे सुरु हुनेछ । मानपुरको चुनावी सभालाई पनि कांग्रेस सभापति थापाले सम्बोधन गर्नेछन् ।
यसैबीच, कांग्रेसले भोलि (शुक्रबार) बुटवलमा समेत चुनावी सभा गर्ने तयारी गरेको जनाएको छ ।
