नेप्सेमा ३२ अंंकको उच्च बृद्धि १४ अर्ब १३ करोडको शेयर किनबेच

काठमाडौं, साउन १०,

अघिल्लो दिन उच्च अंकले घटेको नेप्से साताको अन्तिम कारोबार दिन आज बिहिबार भने उच्च अंकले बढेको छ । नेप्से आज ३२ अंकले बढेर २५ सय ६८ दशमलव ११ अंकमा पुगेकोमा सेन्सिटिभ इन्डेक्स पनि सात दशमलव शुन्य नौं अंकले बढेर चार सय ६० दशमलव शुन्य तीन अंकमा चढेको छ ।

तीन सय २० वटा कम्पनीहरुको एक लाख ५९ हजार सात सय ५८ पटकको कारोबारमा तीन करोड ५५ लाख ९४ हजार आठ सय ६८ कित्ता शेयर किनबेच भएका छन् । सो अनुसार आज कुल कारोबार रकम १४ अर्ब १३ करोड ७८ लाख ९९ हजार ४९ रुपैंयाँ पुगेको छ ।  नेप्सेमा आज १३ वटा समुहहरुको शेयर कारोबार भएको मध्ये बिकास बैंक, जलबिद्युत, लगानी र अन्य समुहको सुचक घटेपनि बाँणिज्य बैंक, फाईनान्स, जीवन बीमा, निर्जीवन बीमा, होटल तथा पर्यटन, उत्पादनमुलक, लघुवित्त, सामुहिक लगानी कोष र व्यापार सहितका नौं वटा समुहहरुको सुचक बढेका छन् । 

नेप्सेमा आज उपकार लघुवित्त वित्तीय संंस्थाको शेयर मुल्य बढेको छ भने मितेरी डेभलपमेन्ट बैंकको शेयर मुल्य घटेको छ । सानिमा जिआईसी इन्स्योरेन्स लिमिटेडको भने आज सबैभन्दा बढी रकम कारोबार भएको छ ।