काठमाडौंमा पेस्तोलसहित युवक पक्राउ
काठमाडौं, ११ कात्तिक । प्रहरीले काठमाडौँमा पेस्तोलसहित एक युवकलाई पक्राउ गरेको छ ।
दैलेख घर भई हाल काठमाडौं महानगरपालिका–१६, बस्दै आएका २५ वर्षीय अनिल खड्कालाई पक्राउ गरिएको प्रहरीले जनाएको छ ।
जिल्ला प्रहरी परिसर, काठमाडौंका अनुसार पेस्तोल देखाएर डरत्रास फैलाउँदै हिँडेको सूचनाका आधारमा खड्कालाई शनिबार राति करिब ९ बजे रानीवनबाट पक्राउ गरिएको हो ।
उनको साथबाट अटो पेस्तोल यूएसए ६५ एनओ १ लेखिएको पेस्तोल र खाली म्यागजिन बरामद गरिएको परिसरका सूचना अधिकारी प्रहरी उपरीक्षक नवराज अधिकारीले जानकारी दिए ।
उनीमाथि थप अनुसन्धान भईरहेको समेत प्रहरीले जनाएको छ ।
