काठमाडौंबाट रेड पाण्डाको छालासहित युवक पक्राउ
काठमाडौं, १४ कात्तिक । रेड पाण्डाको छालासहित एक जना पक्राउ परेका छन् ।
प्रहरीका अनुसार, पक्राउ पर्नेमा बाग्लुङ वरेङ गाउँपालिका–३ घर भई काठमाडौं स्वयम्भू बस्ने ४५ वर्षीय तारा थापा छन् ।
उनलाई मंगलबार दिउँसो प्रहरी वृत्त महाराजगंज र प्रहरी प्रभाग गोंगबुले पक्राउ गरेको हो ।
रेड पाण्डाको छाला खरिदबिक्री हुन लागेको भन्ने गोप्य सूचनाका आधारमा उनीहरुलाई प्रहरीले नियन्त्रणमा लिएको हो । उनीमाथि प्रहरीले अनुसन्धान प्रक्रिया अघि बढाएको जनाएको छ ।
