सरकारी अस्पतालमा विद्युत महसुल छुट गराउन मन्त्री पौडेलको सक्रियता

 काठमाडौं, १४ कात्तिक। सरकारी अस्पताललाई विद्युत महसुलमा २० प्रतिशत छुटको व्यवस्था कार्यान्वयनका लागि स्वास्थ्य तथा जनसंख्या मन्त्री प्रदीप पौडेल सक्रियता साथ लागेका छन् ।  

बुधबार मन्त्री पौडेलले  २० प्रतिशत छुटका लागि  मन्त्रीस्तरीय निर्णय गरेका छन् ।

नेपाल विद्युत प्राधिकरण विद्युत महसुल संकलन विनियमावली, २०७८ मा भएको सरकारी अस्पताल तथा स्वास्थ्य चौकीले पाउने विद्युत महसुल छुटको व्यवस्था लागू गराउन मन्त्री पौडेलले मन्त्रीस्तरीय निर्णय गरे ।

सरकारी अस्पतालहरुमा ठूलो रकम बचत हुने र त्यसलाई स्वास्थ्य सुविधा व्यवस्थापनमा खर्च गर्नसमेत सो निर्णय लिएको मन्त्री पौडेलले बताएका छन् ।