यती एयरलाइन्सको भैरहवा–पोखरा उडान भोलिदेखि, भाडा २५ सय मात्रै
काठमाडौं, २५ कात्तिक । यती एयरलाइन्सले भोलि (मंगलबार) देखि भैरहवा–पोखरा–भैरहवा उडान गर्ने भएको छ ।
भैरहवा–पोखराको उडान समय ११ः०५ बजे र पोखरा–भैरहवाको उडान समय ११ः४५ बजे तोकिएको छ ।
सो रुटको एकतर्फी हवाई भाडा २ हजार ५ सय रुपैयाँ तोकिएको पनि यती एयरलाइन्सले जनाएको छ ।
गौतमबुद्ध अन्तर्राष्ट्रिय विमानस्थलमा यात्रुहरूको संख्या वृद्धि गर्न टेवा पुर्याउने उद्देश्यले भैरहवा–पोखरा प्रत्यक्ष उडान थालिएको यती एयरलाइन्सले जानकारी दिएको छ ।
यसअघि यो रुटमा बुद्ध एयरले नियमित रुपमा उडान गर्दै आएको छ ।
