धादिङमा बोलेरोको ठक्‍करबाट युवतीको मृत्यु, एक गम्भीर

काठमाडौं, २५ कात्तिक । धादिङको बेनीघाट रोराङ गाउँपालिका–३ डार्केफाटमा बोलेरोले पैदलयात्रुलाई ठक्कर दिँदा एक युवतीको मृत्यु भएको छ ।

ज्यान गुमाउनेमा बेनीघाट–२ की १९ वर्षीया अनिशा मिजार रहेको जिल्ला प्रहरी कार्यालय धादिङका प्रहरी निरीक्षक तथा सूचना अधिकारी प्रल्हाद सिलवालले जानकारी दिए ।

उनका अनुसार ताल्तिबाट मलेखु जाँदै गरेको बा२०च १९९९ नम्बरको बोलेरोले मिजारलाई ठक्कर दिएको थियो । उक्त बोलेरोकै ठक्करबाट २६ वर्षीया प्रशंसा मिजार घाइते भएकी छन् ।

चालक गोपी बहादुर ठकुरी र बोलेरो प्रहरीको नियन्त्रणमा रहेको उनले बताए ।