भैरहवा उडेको बुद्धको जहाज पोखरा ‘डाइभर्ट’

काठमाडौं, २७ कात्तिक । काठमाडौंबाट भैरहवा उडेको बुद्ध एयरको विमान पोखरा ‘डाइभर्ट’ भएको छ ।

बुद्ध एयरको उडान नम्बर ‘बीएचए ८५१’ विमान काठमाडौंबाट गौतमबुद्ध अन्तर्राष्ट्रिय विमानस्थल उडेको थियो ।

गौतमबुद्ध अन्तर्राष्ट्रिय विमानस्थलका महाप्रबन्धक प्रतापबाबु तिवारीका अनुसार अहिलेसम्म गौतमबुद्ध विमानस्थल सञ्चालनमा आउन सकेको छैन ।

उता, पोखरामा पनि आज बिहानैदेखि ‘भिजिबिलिटी’ नहुँदा विमानहरू उड्न सकेका छैनन् । प्रहरीले रास्वपा सभापति रवि लामिछानेलाई पोखराबाट भैरहवा ल्याउँदै छ । तर, विमान उड्न नसक्दा उक्त टोली समेत पोखराबाट अझै उड्न सकेको छैन ।

विमानमा चढिसकेको रविसहितको टोली फेरि विमानस्थल टर्मिनलमा फर्किएको छ । भैरहवामा भिजिबिलिटी नहुँदा विमान जान नसकेको हो ।