पोखराबाट उड्यो रवि चढेको बुद्धको जहाज

काठमाडौं, २७ कात्तिक । राष्ट्रिय स्वतन्त्र पार्टी (रास्वपा) सभापति रवि लामिछाने चढेको बुद्ध एयरको विमान पोखराबाट भैरहवा उडेको छ ।

रास्वपा कोषाध्यक्ष दीपक बोहोराले पोखराबाट विमान उडेको जानकारी दिए । प्रहरीले रविलाई बयानका लागि रुपन्देही लैजाने क्रममा विमानबाट भैरहवा लैजान लागिएको हो ।

भैरहवा र पोखरा दुवै विमानस्थलमा ‘भिजिबिलिटी’ कम हुँदा उडान–अवतरण सकिरहेको थिएन् । अहिले मौसम खुलेपछि उडान सुरु भएको हो ।

रविसँगै प्रहरी टोली सवार बुद्धको विमान केही बेरमै भैरहवा विमानस्थल अवतरण गर्ने छ ।