नरेफाँटमा स्कुटर दुर्घटना हुँदा एक जनाको मृत्यु

काठमाडौं, २६ कात्तिक । काठमाडौं महानगरपालिका–३२ नरेफाँटबाट स्कुटर दुर्घटना हुँदा एक जनाको ज्यान गएको छ ।

नरेफाँटबाट ललितपुर इमाडोलतर्फ जाँदै गरेको बा६५प ३४३३ नम्बरको स्कुटर अनियन्त्रित भएर सोमबार राति दुर्घटना भएको थियो ।

दुर्घटना हुँदा चालक ललितपुर महालक्ष्मी नगरपालिका–१ इमाडोल घर भएका ४७ वर्षीय निश्चल ताम्राकारको निधन भएको हो । 

दुर्घटनामा गम्भीर घाइते भएका उनको सिभिल अस्पतालमा उपचारको क्रममा मृत्यु भएको प्रहरीले जनाएको छ ।