श्रीलंकन एयरलाइन्सले घटायो हवाई भाडा

काठमाडौं, ७ मंसिर । नेपालमा नियमित उडान गर्दै आएको श्रीलंकन एयरलाइन्सले हवाई भाडादर घटाएको छ । 

श्रीलंका–काठमाडौं–श्रीलंका र काठमाडौं–माल्दिभ्स–काठमाडौं दुबै रुटमा ५ देखि २० प्रतिशतसम्म भाडा घटाइएको कम्पनीका सेल्स म्यानेजर दीपक मैनालीले जानकारी दिए ।

 उनका अनुसार, घटेको भाडादर आजबाट ३१ डिसेम्बरसम्म लागू  हुनेछ । 

नेपाल सरकार र नेपाल नागरिक उड्डयन प्राधिकरणको आग्रहमा कम्पनीले भाडा घटाउने निर्णय लिएको उनले बताए ।

यसअघि नेपाल वायु सेवा निगम(नेपाल एयरलाइन्स) समेत हिजो (बिहीबार) भाडा घटाएको बताएको थियो ।