'म्याक स्टार नाइट' कार्यक्रम सम्पन्न, म्याक सिप्रदी स्टार एप र रुबी प्लस गृजको उद्घाटन

काठमाडौं, ७ मंसिर । सिप्रदी ट्रेडिङ्ग एवं भारत पेट्रोलियम कोर्पोरसन लिमिटेडद्वारा संयुक्तरूपमा आयोजित ‘म्याक स्टार नाइट' कार्यक्रम भव्यताका साथ राजधानीमा सम्पन्न भएको छ ।

गत मंगलवार  राजधानीस्थित सोल्टी होटेलमा एक भव्य समारोहकाबीच उक्त कार्यक्रम सम्पन्न गरिएको हो । ​​​​​​सिप्रदी र म्याक ल्युब्रिकेन्ट्सको २३ बर्षको अटुट र अतुल्य सम्बन्धको प्रतीककारुपमा उक्त कार्यक्रमलाई लिएको सिप्रदी ट्रेडिङ्गले  जनाएको छ । 

सिप्रदी ट्रेडिङ्गका अनुसार, उक्त कार्यक्रममा सिप्रदीका तर्फबाट प्रमुख कार्यकारी अधिकृत राजनबाबु श्रेष्ठ, प्रमुख सञ्चालन आधिकृत राजेश प्रसाद गिरी , उपाध्यक्ष सौरव राज थपलिया लगायत भारत पेट्रोलियम बाट कार्यकारी निर्देशक शुभान्कर सेन, रणनीति तथा अन्तराष्ट्रिय विभागका उपमहाप्रबन्धक राहुल दोङ्रे, पूर्व क्षेत्रिय प्रमुख रविकान्त गोविन्दु, प्राविधिक सेवा कार्यकारी हिमांग्शु सिंघलगायतका अधिकारीहरुको उपस्थिति रहेको थियो । 

यसैबीच, म्याक स्टार नाइटमा डिलरहरुको अतिरिक्त उपस्थितिमा 'म्याक सिप्रदी स्टार' एप एवम 'रुबी प्लस' गृजको उद्घाटन गरी शुभारम्भ गरिएको छ । 

त्यस्तै, त्यसअवसरमा म्याक सिप्रदीका  उत्कृष्ट  १० ओटा डिलरहरुलाई विभिन्न विधामा सम्मानित समेत गरिएको थियो । 

त्यसैगरी, सोही अवसरमा म्याक सिप्रदीका  १० वटा  डिलरहरुलाई उत्कृष्ट कार्यगरे बाफत् विभिन्न विधामा सम्मानित गरिएको थियो।  सिप्रदीका अनुसार, सम्मानित हुने डिलरहरुमा सप्तकोशी बियरिङ्ग, डाइनयामिक ट्रेडिंग , फोर बी सप्लायर्स, खेतान ट्रेडिंग, मनकामना अटो मोबाइल्स, बंगलामुखी मोटर ट्रेडर्स, अस्त्र ईन्टरनेशनल,  भवानी ट्रेड लिंक, नेक्स्ट जेनेरेसन अटोमोटिभ र श्री कामना सप्लायर्स रहेका छन् ।