स्रोत नखुलेको ६२ लाख रुपैँयासहित ३ भारतीय नागरिक पक्राउ

काठमाडौं, १० मंसिर । स्रोत नखुलेको ६२ लाख रुपैयाँसहित ३ भारतीय नागरिक पक्राउ परेका छन् ।

प्रहरीले भारतको उत्तर प्रदेश जिल्ला जालौनका ४० वर्षीय विजय सिंह कुशवाह, भारतकै गोरखपुरका २६ वर्षीय प्रशान्त पाठक, भारत राजस्थान चितोरगढका ३२ वर्षीय राहुल कुमार माण्डावतलाई  पक्राउ गरेको हो । 

उनीहरूलाई जिल्ला प्रहरी कार्यालय मकवानपुरबाट खटिएको टोलीले पक्राउ गरेको हो ।  काठमाडौंबाट हेडौटातर्फ आउँदै गरेको बा. प्र.०३–००१ ज ०७६५ नम्बरको इभी माइक्रोबाट उनीहरुलाई पक्राउ गरिएको मकवानपुरका एसपी विश्वराज खड्काले जानकारी दिए ।

कुशवाहबाट युएस डलर १२ हजार, पाठकबाट युरो १४ हजार र माण्डावतको साथबाट २० यूएस डलर हजार बरामद गरिएको छ । बरामद रकम नेपाली रुपैयाँ ६२ लाख ९० हजार ३५ बराबर छ ।