कञ्चनपुरमा पूर्व असईले गरे कान्छी श्रीमतीको हत्या

 धनगढी, १६ मंसिर । कञ्चनपुरमा नेपाल प्रहरीका सेवा निवृत्त प्रहरी सहायक निरीक्षक(असई) ले आफ्नै श्रीमतीको हत्या गरेका छन् ।

जिल्लाको भीमदत्त नगरपालिका–८ तिलाचौरका ४९ वर्षीया नरेन्द्र विष्टले शनिबार साँझ ३० वर्षीया श्रीमती ज्योती विष्टको हत्या गरेका हुन् ।

ज्योती नरेन्द्रकी कान्छी श्रीमती हुन् । जेठी श्रीमतीको निधनपछि विष्टले ज्योतीसँग दुई वर्षअघि बिवाह गरेका थिए ।

जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक (डीएसपी) उमेशराज जोशीका  अनुसार, हिजो (शनिबार) साँझ घरायसी विवादमा विष्टले श्रीमती ज्योतीको घाँटी र हातमा धारिलो हतियार प्रहार गरेर हत्या गरेका हुन् ।  

विष्टलाई पक्राउ गरेर थप अनुसन्धान प्रक्रिया अघि बढाइएको डीएसपी जोशीले बताए । विष्टको शव परीक्षणका लागि महाकाली प्रादेशिक अस्पतालमा राखिएको छ ।