कीर्तिपुर–४ को अध्यक्षमा कांग्रेसका बानियाँ निर्वाचित

काठमाडौं, १७ मंसिर । कीर्तिपुर नगरपालिका–४ को वडाध्यक्षमा नेपाली कांग्रेसले उपचुनावमा जितेको छ ।

कांग्रेस उम्मेदवार राजेन्द्र बानियाँ १ हजार १५५ मतसहित निर्वाचित भएका निर्वाचन अधिकृतको कार्यालयले जनाएको छ । 

उनका निकटतम् प्रतिद्वन्द्वी स्वतन्त्र उम्मेदवार पविता खड्का अधिकारीले ८०६ मत प्राप्त गरिन् । तेस्रो स्थानमा रहेको नेकपा एमालेका बद्री बुढाथोकीले ४६० मत प्राप्त गरे ।

माओवादी केन्द्रका उम्मेदवार नारायण विष्टले ३८१ मत प्राप्त गरेका छन् ।