पुथाउत्तरगंगाको उपाध्यक्षमा माओवादी केन्द्रको अग्रता

रुकुमपूर्व, १७ मंसिर । रुकुमपूर्व पुथाउत्तारङ्गा गाउँपालिकाको मतगणना भइरहेको छ । वडानम्बर १, १३ र १४ वडाको मतगणना हुँदा माओवादी केन्द्रले आफ्नो अग्रता लिएको छ ।

१०७६ मतका साथ माओवादीकी नरपुरा बुढाले अग्रता लिएकी छन् । कांग्रेसको रुख चिह्नबाट चुनाव लडेकी एमाले जिल्ला उपसचिव केशकुमारी तुलाचनले ७०० मत पाएकी छन् ।

यस पालिकामा एमाले–कांग्रेसको गठबन्धन छ । यसअघि माओवादीबाट निर्वाचित भूपेन्द्रा बुढाको बागलुङ दुर्घटनामा निधन भएपछि यहाँ उपनिर्वाचन भएको हो ।

यसै पालिकाको वडानम्बर २ मा भने माओवादीका जगत घर्ती निर्विरोध निर्वाचित भइसकेका छन् ।