कीर्तिपुर मतगणना अपडेट: कांग्रेसले अग्रता लिँदा पछ्याउँदै एमाले

काठमाडौं, १७ मंसिर । कीर्तिपुरको स्थानीय तह उपनिर्वाचनको मतगणना चलिरहेको छ । मेयर पदमा नेपाली कांग्रेसका उम्मेदवार कृष्णमान डंगोलको अग्रता लिइरहेका छन् ।

डंगोलले २ हजार ४२१ मत प्राप्त गरेका छन् । उनी दोस्रो स्थानमा रहेका नेकपा एमालेका उम्मेदवारभन्दा ३६० मतले अग्रता कायमै राखेका छन् । एमाले उम्मेदवार डा. सुरेन्द्र मानन्धरले २ हजार ६१  मत प्राप्त गरेका छन् ।

यसैगरी, नेकपा माओवादी केन्द्रका उम्मेदवार प्रा.डा.शिवशरण महर्जनले १ हजार ६७४ मत प्राप्त गरेका छन् ।

केटाकेटी चुनाव चिह्न लिएर प्रतिस्पर्धामा उत्रिएका राजमान महर्जनले ९६५ मत प्राप्त गरेका छन् । धरानका मेयर हर्क साम्पाङले उनलाई समर्थन गरेका थिए ।