एनपीएलमा बेटिङ खेलाउने ४ जना पक्राउ
काठमाडौं, १८ मंसिर । नेपाल प्रिमियर लिग (एनपीएल) मा बेटिङ खेलाएको आरोपमा चार जना पक्राउलाई प्रहरीले नियन्त्रणमा लिएको छ ।
प्रहरीको केन्द्रीय अनुसन्धान ब्यूरो (सीआईबी) बाट खटिएको टोलीले चार जनालाई पक्राउ गरेको हो । सीआईबीका एआईजी दीपक थापाका अनुसार, सोमबार दुई जना र आज (मंगलबार) दुई जना गरी चार जनालाई पक्राउ गरिएको छ ।
‘‘हिजो पक्राउ परेका दुई जना भारतीय नागरिक हुन् । आज पक्राउ परेका दुई जनालाई कार्यालयमा ल्याइँदैछ । उनीहरुको हकमा बुझ्न बाँकी छ’, एआईजी थापाले भने ।
एनपीएलमा सट्टेबाजी तथा बेटिङ हुने आशंकामा सीआईबीले एक एसपीको कमाण्डमा टोली नै परिचालन गरेर अनुसन्धान गरिरहको छ ।
