बालेनले गराए काठमाडौँ-१६ की वडाध्यक्ष श्रेष्ठलाई शपथ

काठमाडौं, १८ मंसिर । गत आइतबार  सम्पन्न उपनिर्वाचनबाट निर्वाचित काठमाडौं–१६ की नवनिर्वाचित वडाध्यक्ष रोजिना श्रेष्ठलाई मेयर बालेन शाहले पद तथा गोपनीयताको शपथ ग्रहण गराएका छन् ।

मंगलबार आयोजित एक कार्यक्रमकाबीच काठमाडौं महानगरपालिकाको कार्यालयमा श्रेष्ठलाई शपथ ग्रहण गराइएको हो ।

रोजिना राष्ट्रिय स्वतन्त्र पार्टी (रास्वपा) बाट निर्वाचित भएकी हुन् ।

काठमाडौं–१६ बाट निर्वाचित नेपाली कांग्रेसका वडाध्यक्ष मुकुन्द रिजालको निधनपछि यहाँ उपनिर्वाचन भएको थियो ।