पार्टीभित्रै मुन्टो बटार्ने काम नगरौं : डा.मिनेन्द्र रिजाल

काठमाडौं, १८ मंसिर । नेपाली कांग्रेसका नेता डा.मिनेन्द्र रिजालले सभापति शेरबहादुर देउवालाई देखाएर पार्टीभित्र तित्तता बढाउन नहुने बताएका छन् ।

आज (मंगलबार) आयोजित विराटनगरमा सस्थापन इतर पक्षको भेलामा बोल्दै उनले पार्टीभित्रै आपसमा मुन्टो बटार्ने समय अहिले नभएको बताएका हुन् । 

‘पार्टीभित्रै आपसमा मुन्टो बटार्ने काम नगरौं । सभापति आफ्नो अन्तिम कार्यकालमा हुनुहन्छ । सभापतिलाई देखाएर पार्टीमा तिक्तता बढाउने काम नगरौ,’ रिजालले भने । 

साथै, उनले पार्टीमा एकले अर्कोलाई गाली गर्दै हिँड्दा अब जनतामा भएको निराशा पोखिने र त्यसको मूल्य चुकाउनुपर्नेमा सचेत हुन आग्रह गरे । 
उनले कांग्रेस र अहिलेको सरकारले जनतामा सुशासनको प्रत्याभूति गर्न आवश्यक रहेको पनि बताए ।