गोली चलाएर सुनसरीबाट प्रहरीले नियन्त्रणमा लियो ६४१ किलो गाँजा

विराटनगर, १९ मंसिर ।   प्रहरीले सुनसरी गाँजासहितको गाडी नियन्त्रणमा लिएको छ । त्यसक्रममा प्रहरीले लागि गोली समेत चलाउन परेको छ । प्रहरीले धरानमा चार राउण्ड गोली चलाएर गाँजा बरामद गरेको हो ।

जिल्ला प्रहरी कार्यालय  सुनसरी प्रवक्ता डीएसपी रामप्रसाद तिमल्सिनाका अनुसार, प्रहरीले ६४१ किलो गाँजासहित दुई वटा गाडी नियन्त्रणमा लिएको छ ।  दुई गाडीका चालक मध्ये एक जनालाई प्रहरीले गिरफ्तार गरेको छ । 

धनकुटाबाट गाँजा लिएर धरान तर्फ आउँदै गरेको गाडी रोकेर चेकजाँच गर्ने क्रममा प्रहरीले गोली चलाएको बताइएको  छ ।