कलंकीमा मोटरसाइकलको ठक्करबाट पैदलयात्रीको मृत्यु

काठमाडौं, १९ मंसिर । काठमाडौं महानगरपालिका–१४ कलंकी खसीबजारमा मोटरसाइकलले ठक्कर दिँदा एक  पैदलयात्रीको निधन भएको छ ।

बागमती प्रदेश –०२–०२९ प १२७८ नम्बरको मोटरसाइकलको ठक्करबाट पैदलयात्रीको ज्यान गएको हो । 

मोटरसाइकलको ठक्रबाट दक्षिणकाली नगरपालिका–१ खहरे बस्ने ५० वर्षीय प्रमेश कुमार खड्गी मंगलबार राति गम्भीर घाइते भएका थिए ।

उनको बयोधा अस्पताल बल्खुमा उपचारको क्रममा निधन भएको हो ।  मोटरसाइकल चालकलाई प्रहरीले नियन्त्रणमा लिएको जनाएको छ ।