एनपीएलमा लुम्बिनीका कप्तान रोहित पौडेलको दोस्रो अर्धशतक

काठमाडौं, २५ मंसिर । लुम्बिनी लायन्सका कप्तान रोहित पौडेलले नेपाल प्रिमियर लिग (एनपीएन) मा दोस्रो अर्धशतक पूरा गरेका छन् । 

उनले चितवन राइनोजविरुद्धको खेलमा आफ्नो दोस्रो अर्धशतक प्रहार गरेका हुन् । उनले ४३ बल खेल्दै २ चौका र ३ छक्काको मदद्तमा ५० रन पूरा गरेका हुन् । यसअघि उनले पोखरा एभेन्जर्ससँग ९५ रन हानेका थिए ।

जारी एनपीएलमा सर्वाधिक रन बनाउने खेलाडी हुन् रोहित । उनले अहिलेसम्म यसअघिको चार खेलमा १८१ रन रन जोडेका छन् । आज अर्धशतक प्रहार गरेपछि उनले २०० रनको आँकडा पार गरिसकेका छन् ।

रोहितको उत्कृष्ट ब्याटिङका बाबजुत लुम्बिनी अहिलेसम्म भएका चारै खेलमा पराजयको सामना गरेको छ र जितविहीन छ ।

रोहित एनपीएलमा दुई शतक हान्ने दोस्रो र पहिलो नेपाली खेलाडी हुन् । यसअघि चितवन राइनोजका इंग्लिस खेलाडी रवि बोपाराले दुई अर्धशतक प्रहार गरेका थिए ।