वेस्ट इन्डियन लिजेन्ड लारा काठमाडौंमा

काठमाडौं, २८ मंसिर । वेस्ट इन्डियन लिजेन्ड ब्रायन लारा बिहान साढे ८ बजे त्रिभुवन अन्तर्राष्ट्रिय विमानस्थलमा अवतरण गरेका छन्।

उनी छोरीसहित नेपाल आइपुगेका हुन् । ब्रायन र उनकी छोरीलाई नेपाल क्रिकेट संघ (क्यान) का पदाधिकारीले विमानस्थल पुगेर स्वागत गरेका थिए।

विमानस्थलमा सञ्चारकर्मीहरूसँग कुराकानी गर्दै लाराले यसअघि आफू भारत आएको भए पनि नेपाल अहिलेसम्म नआएको र पहिलो पटक आउन पाउँदा खुसी लागेको बताए।

लाराले नेपालमा रहँदा त्रिवि मैदानमा गएर नेपाल प्रिमियर लिग (एनपीएल) का केही खेल हेर्ने छन्। उनले सो क्रममा पाँच ओभरको कमेन्ट्रीसमेत गर्ने छन्।