अस्ट्रेलिया र दुबई पठाउने भन्दै ठगी गर्ने २ जना पक्राउ

काठमाडौं, ४ पुस । वैदेशिक रोजगारीमा अस्ट्रेलिया र दुबई पठाउने भन्दै ठगी गरेको आरोपमा दुई जना पक्राउ परेका छन् ।

भक्तपुरको भक्तपुर नगरपालिका–१० कमलविनायक घर भएका ३६ वर्षीय ज्वालाराम मुस्याख्वा र रुपन्देहीको बुटवल उपमहानगरपालिका–१३ नयाँगाउँका ३७ वर्षीय बुद्धिबहादुर बस्याल पक्राउ परेका छन् ।

उनीहरूलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।​​​​​​​ मुस्याख्वा बागबजारबाट र बस्याल सामाखुशीबाट नियन्त्रण लिएको प्रहरीले जनाएको छ । ​​​​​​​

मुस्याख्वाले वैदेशिक रोजगारीमा अस्ट्रेलिया पठाउँछु भन्दै प्रलोभन देखाएर एक जनाबाट २ लाख ठगी गरेका र बस्यालले दुबई पठाउछु भन्दै १ लाख ९० हजार ठगी गरेको आरोप लागेको छ ।