बोरामा बेरिएको अवस्थामा धनुषामा शव भेटियो

जनकपुरधाम, ४ पुस । धनुषामा बोराभित्र एक जनाको शव भेटिएको छ । 

धनुषाको मिथिला बिहारी नगरपालिका–२ पुरन्डाहास्थित परशुराम तलाउ नजिकै पुलमुनि बोराभित्र राखिएको अवस्थामा एक जनाको शव फेला परेको धनुषाका प्रहरी प्रवक्ता डीएसपी बरुणबहादुर सिंहले जानकारी दिए ।

 बोराभित्र भेटिएको शव महिला वा पुरुष कसको हो भन्ने पहिचान हुन नसकेको प्रहरीले बताएको छ ।

घटनास्थलमा अनुसन्धानका लागि तालिम प्राप्त कुकुरसहितको टोली परिचालन गर्न लागिएको डीएसपी सिंहले बताए ।

डीएसपी सिंहका अनुसार बिहीबार दिउँसो ३ बजेतिर बोराभित्र शव रहेको भन्ने स्थानीय बासिन्दाले सूचना दिएका थिए । जुटको बोरामा शव सडेगलेको अवस्थामा रहेको उनले बताए  ।