प्रतितोला २ सयले बढ्यो सुन, कति पुग्यो बजार भाउ ?

काठमाडौं, ८ पुस । आज (सोमबार) नेपाली बजारमा सुनको मूल्यमा प्रतितोला २ सय रुपैयाँले वृद्धि भएको छ ।

छापावाल सुन सोमबार तोलाको एक लाख ४९ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।  

महासंघका अनुसार आइतबार तोलाको एक लाख ४९ हजार ६ सय रुपैयाँ थियो ।

त्यसैगरी, चाँदीको भाउ ५ रुपैयाँ बढेर तोलाको एक हजार ७ सय ९५ मा किनबेच भइरहेको छ ।

अघिल्लो दिन तोलाको एक हजार ७ सय ९० रुपैयाँ रहेको थियो ।