सुनको मूल्य बढ्दा चाँदी स्थिर, आज कतिमा हुँदैछ कारोबार ?

काठमाडौं, १० पुस । नेपाली  बजारमा आज (बिहीबार) सुनको मूल्य बढेको छ । आज छापावाला सुन  तोलामा ६ सय रुपैयाँले बढेको नेपाल सुनचाँदी व्यवसायी महासङ्घले जनाएको छ ।

सुन आज तोलामा ६ सय रुपैयाँले बढेर एक लाख ५० हजार तीन सय रुपैयाँमा कारोबार भइरहेकोे छ । हिजो सुनको भाउ तोलाको एक लाख ४९ हजार सात सय रुपैयाँ रहेको थियो ।

त्यस्तै, आज चाँदीको भाउमा भने घटबढ आएको छैन । आज चाँदीको भाउ हिजोजस्तै तोलाको एक हजार आठ सय रुपैयाँमा किनबेच भइरहेको महासङ्घले जनाएको छ ।