रुपन्देहीमा १४ वर्षीया बालिकामाथि बलात्कार, एक युवक पक्राउ

काठमाडौं, ११ पुस ।  रुपन्देहीमा १४ वर्षीया बालिकामाथि जबरजस्ती करणी गरेको आरोपमा एक युवकलाई प्रहरीले पक्राउ गरेको छ ।

रुपन्देहीको सैनामैना नगरपालिका–३ सरौली बस्ने २५ वर्षीय सागर थापालाई पक्राउ गरिएको हो । बुधबार राति उनलाई प्रहरीले पक्राउ गरेको हो ।

सागरले ती बालिकालाई बलात्कार गरेको भन्ने खबर प्राप्त हुनासाथ इलाका प्रहरी कार्यालय रन्यौराबाट खटिएको प्रहरी टोलीले उनलाई पक्राउ गरेको हो । यस विषयमा प्रहरीले थप अनुसन्धान गरिरहेको छ ।