त्रिभुवन अन्तर्राष्ट्रिय विमानस्थलबाट अवैध सुनसहित एक जना पक्राउ

काठमाडौं, २३ पुस । त्रिभुवन अन्तर्राष्ट्रिय विमानस्थलबाट भन्सार छली गरी लैजान लागेको सुनसहित एक जना पक्राउ परेका छन् ।

चितवन भरतपुर महानगरपालिका–१२ घर भएका २५ वर्षीय संजय तामाङ पक्राउ परेका छन् । सोमबार बिहान प्रहरीले करिब ६१ ग्राम तौल बराबरको सुनको ढिक्का एक थान र औठी एक थानसहित उनलाई पक्राउ गरेको हो । 

एयर इन्डियाको उडानद्वारा दोहाबाट काठमाडौं आएका उनी विमानस्थलको अन्तर्राष्ट्रिय उडानतर्फको आगमन टनेल गेटबाट पक्राउ परेका  हुन् । 

उनलाई आवश्यक अनुसन्धान तथा कारबाहीको लागि त्रिभुवन विमानस्थल भन्सार कार्यालय गौचरको जिम्मा लगाएको छ ।