ललितपुर महानगरले ‘ए’ डिभिजनका उत्कृष्ट खेलाडीलाई पारिश्रमिक दिने
काठमाडौं, २० माघ । ललितपुर महानगरपालिकाका प्रमुख चिरीबाबु महर्जनले ललितपुरका एक उत्कृष्ट खेलाडीलाई मासिक पारिश्रमको व्यवस्थापन गर्ने बताएका छन् ।
एबीसी डिभिजन फुटबल क्लबहरु र गोल्ड क्लब बिजेता क्लबहरुलाई सम्मान कार्यक्रममा बोल्दै उनले आउँदो नगरसभामा अनुमोदन गरेर एन्फासँग सहकार्य गरी मासिक पारिश्रमको व्यवस्थापन गर्ने बताए ।
उनले भने, ‘आउँदो बर्षमा ललितपुरको ‘ए’डिभिजनका राम्रा खेलाडी एक जनालाई मासिक रुपमा थोरै रमकको भएपनि मासिक पारिश्रमको व्यवस्थापन गर्छौं । कति रकम हुन्छ त्यसको होमवर्क गरेर सार्वजनिक गर्छौं । आउँदो नगरसभामा अनुमोदन गरेर एन्फासँग सहकार्य गर्छौं । ललितपुरको जतिपनि ‘ए’डिभिजनका खेलाडी छन् ति मध्ये एकजनालाई मासिक पारिश्रमको व्यवस्थापन गर्छौं ।’
