अन्तर्राष्ट्रिय महिला दिवसको अवसरमा म्याक लुब्रिकेन्ट्सको महिला राइडर्स र्‍याली

काठमाडौं, २६ फागुन । ११५औं अन्तर्राष्ट्रिय महिला दिवसको अवसरमा सिप्रदी ट्रेडिंग प्रालिअन्तर्गतको म्याक लुब्रिकेन्ट्सले महिलालक्षित  "एक्सेलेरेट एक्सन : हर  डे , हर  वे" राइडर्सको भेटघाट र बाइक र्‍याली कार्यक्रम आयोजना गरेको छ ।

शनिबार सिप्रदी ट्रेडिंग थापाथली शिखर बिजबाट एन्फा कम्प्लेक्स सातदोबाटोसम्म ‘एक्सिलेट एक्सन हर डे हर वे’ भन्ने नाराका साथ बाइक र्‍याली आयोजना गरिएको हो । 

सिप्रदी ट्रेडिंग भारत पेट्रोलियम द्वारा उत्पादित म्याक लुब्रिकेन्ट्सको नेपालको लागि एक मात्र अधिकारिक बिक्रेता हो |  

राइडर्स र्‍यालीको उद्घाटन सिप्रदी ट्रेडिङका सीईओ राजन बाबु श्रेष्ठ, सीओओ राजेश प्रसाद गिरी, उपाध्यक्ष सौरव राज थपलिया, ल्युब डिपार्टमेन्ट प्रमुख दिनेश केसी र भारत पेट्रोलियमका कन्ट्री हेड मिहिर ज्योति दत्ताद्वारा झण्डा फहराएर संयुक्त रूपमा  गरेका थिए ।

यस र्‍यालीमा सुरक्षा केसी र वर्षा बस्नेत जस्ता लोकप्रिय इन्फ्लुन्सर तथा राइडर्स लगायत विभिन्न क्षेत्रका उर्जावान महिलाहरुको सहभागिता थियो। सहभागी राइडर्स र खेलका (र्‍याली कार्यक्रमको दौरान आयोजित) विजेताहरूलाई प्रमाणपत्र वितरण गरी र्‍यालीको समापन भएको थियो।  

यस कार्यक्रमको  मुख्य उद्देश्य विशेषत : युवा महिला राइडर्सलाई जीवनमा  अगाडि  बढ्न रोचक  ढंगले प्रेरणा दिई   फोरटी  स्कूटेक  एनएक्सटी र   फोरटी   एनएक्सटी  जस्ता म्याक ब्राण्डका उच्च गुणस्तरयुक्त उत्पादनबारे ग्राहक  सचेतना बढाउनु रहेकाे थियो । 

फोरटी स्कूटेक एनएक्सटीके कम घर्षणको साथ सहज एक्सेलेरेशन, कम इन्धन खपत जस्ता सुविधाको प्रत्याभूति गर्दछ। यसले इन्जिनलाइ सफा राखी क्षयीकरणबाट पनि रक्षा गर्दछ।  

यसैगरी,  फोरटी एनएक्सटीले एयर-कुल्ड इन्जिनहरूलाई उच्च तापक्रममा सुरक्षित राखी गियर परिवर्तनको कार्यलाई सजिलो र छरितो बनाउन मदत गर्छ। यति मात्र  होइन यस उत्पादनले क्लचको समस्यालाई निराकरण गरी  इन्जिनलाइ  क्षयीकरणबाट जोगाउँछ ।