७ महिनामा ९ खर्ब रेमिट्यान्स भित्रियो, माघमा मात्रै १ खर्ब ३७ अर्ब

काठमाडौं, २६ फागुन ।  चालु आर्थिक वर्षको साता महिनामा विप्रेषण आप्रवाह ७.३ प्रतिशतले वृद्धि भएको छ । नेपाल राष्ट्र बैंकले सोमबार आर्थिक वर्षको माघ मसान्तसम्मको वित्तीय रिपोर्ट सार्वजनिक गर्दै यसअवधिमा ९ खर्ब ५८ करोड रेमिट्यान्स आएको जनाएको हो । 

अघिल्लो वर्षको सोही अवधिमा विप्रेषण आप्रवाह १८.८ प्रतिशतले बढेको थियो । अमेरिकी डलरमा विप्रेषण आप्रवाह ५.३ प्रतिशतले वृद्धि भई ६ अर्ब ६५ करोड पुगेको छ । अघिल्लो वर्ष यस्तो आप्रवाह १६.४ प्रतिशतले बढेको थियो ।

समीक्षा अवधिमा खुद द्वितीय आय (खुद ट्रान्सफर) रु.९८५ अर्ब १७ करोड पुगेको छ । अघिल्लो वर्षको सोही अवधिमा यस्तो आय रु.९१० अर्ब ७७ करोड रहेको थियो ।

समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या २,७४,६२२ र पुनः श्रम स्वीकृति लिनेको संख्या १,९०,८८६ रहेको छ । अघिल्लो वर्षको सोही अवधिमा यस्तो संख्या क्रमशः २,४५,४३२ र १,५७,०४५ रहेको थियो ।