बुधबार ०६ चैत, २०८१

कैलालीको ऐश्वर्य क्याम्पसमा फर्जी भोट हाल्न बुथमा पुगेका विद्यार्थी पक्राउ

कैलालीको ऐश्वर्य क्याम्पसमा फर्जी भोट हाल्न बुथमा पुगेका विद्यार्थी पक्राउ

काठमाडौं, ५ चैत । धनगढीको ऐश्वर्य बहुमुखी क्याम्पसमा फर्जी भोट हाल्न मतदान केन्द्रमा पुगेका एक जना पक्राउ परेका छन्।

पक्राउ पर्नेमा डोटीको शिखर नगरपालिका-४ बस्ने २५ वर्षीय भोजराज भट्ट रहेको कैलालीका प्रवक्ता प्रहरी नायब उपरीक्षक (डीएसपी) कबिन्द्र सिंह बोहराले जानकारी दिए।

उनका अनुसार उनी कैलाली बहुमुखी क्याम्पसमा स्नातक तहमा अध्ययनरत विद्यार्थी भएको खुलेको छ । फर्जी मत हाल्न मतदान केन्द्रमा पुगे पनि मत खसाल्न नपाउँदै उनलाई पक्राउ गरिएको डीएसपी बोहराले बताए ।

उनी पक्राउ परेपछि एमाले निकट अनेरास्ववियुले स्ववियु निर्वाचनमा फर्जी मतदान गरेर धाधली गरेको आरोप लगाएको छ ।

निर्वाचन केन्द्रमा खटिएका नेपाली कांग्रेस निकट प्राध्यापकहरूले चुनावमा नेविसंघका उम्मेदवार जिताउन फर्जी मतदान गराउन भूमिका खेलेको भन्दै छानबिनको माग गरिएको छ ।