जेनजी आन्दोलनमा प्रहरीको सञ्चारतर्फ मात्रै २६ करोडको क्षति

काठमाडौं । गत २३ र २४ भदौमा भएको जेनजी आन्दोलनको क्रममा प्रहरीको सञ्चारतर्फ पनि ठूलो क्षति भएको छ ।

आन्दोलनमा प्रहरीतर्फ भएको क्षतिलगायत विवरणको अध्ययन गर्न बनाइएको डीआईजी दीपक रेग्मी नेतृत्वको समितिले सञ्चारतर्फ पनि ठूलो क्षति भएको औंल्याएको छ ।

रेग्मी समितिको प्रतिवदेनमा सञ्चार साधनतर्फ मात्रै २५ करोड ९४ लाख रुपैयाँ बराबरको क्षति भएको उल्लेख छ ।

आन्दोलनको क्रममा प्रहरीका सञ्चार सेटलगायतमा क्षति भएको थियो । केही सञ्चार सेट आन्दोलनकारी लुटेर लगेका थिए ।

त्यस्तै सूचना प्रविधितर्फ १ करोड ८७ लाख रुपैयाँ बराबरको क्षति भएको उल्लेख छ ।