तिते करेला र लौकाको भाउ बढ्यो
काठमाडौं । स्थानीय बजारमा तिते करेला र लौकाको भाउ बढेको छ ।
कालीमाटी फलफूल तथा तरकारी बजार विकास समितिको तथ्यांकले आइतबार यी दुई तरकारीको भाउ बढेको देखाएको हो ।
आज आइतबार कालीमाटी बजारमा तिते करेलाको भाउ प्रतिकिलो थोकमा औसत १५ रुपैयाँ बढेको छ । हिजो शनिबार किलोको थोकमा १ सय ५ रुपैयाँमा किनबेच भएको थियो ।
आज तिते करेलाको भाउ प्रतिकिलो थोकमा १ सय २० रुपैयाँ कायम छ ।
यस्तै आज लौकाको भाउ पनि थोकमा किलोको औसत २५ रुपैयाँ बढेको तथ्यांकले देखाउँछ । आज लौका प्रतिकिलो थोकमा ८० रुपैयाँमा किनबेच भइरहेको छ ।
हिजो शनिबार भने लौका प्रतिकिलो थोकमा ५५ रुपैयाँमा किनबेच भएको थियो ।
