दुई महिनापछि बन्यो निगमको ‘ग्राउन्डेड’ ट्विनअटर, अब आन्तरिक उडानमा दुई विमान
काठमाडौं । नेपाल वायुसेवा निगमले अब ट्विनअटर जहाजबाट आन्तरिक उडानलाई निरन्तरता दिने भएको छ ।
यसअघि दुई महिनादेखि ‘ग्राउन्डेड’ ट्विनअटर डीएचसी–६ मर्मत गरी २४ कात्तिकमा सफलतापूर्वक परीक्षण उडान गरिएको निगमले जनाएको छ ।
दर्ता नम्बर ‘९एन–एबीटी’ रहेको यो जहाजको इन्जिन मर्मत र वार्षिक जाँच सम्पन्न गरी पुन: सञ्चालनमा ल्याइएको हो । निगमले यो जहाज सोमबारदेखि व्यावसायिक सञ्चालनमा ल्याएको छ ।
निगमसँग अब दुई जहाज आन्तरिक उडानमा हुने छन् । निगमसँग अहिले अन्तर्राष्ट्रिय उडानमा भने चार जहाज छन् ।
